Аудио файл жасаудың ең оңай жолдары

Бұл пост аудио файл жасауды енді үйреніп жүргендерге арналады. Аудио файл жасаудың бірнеше жолы бар. Сонымен, қандай нәрселердің көмегімен аудио материал жасауға болады?
Диктофонмен

Егер сізде диктофон болса, онда ең алдымен дыбысты жазып алып, бағдарлама арқылы өңдеуге болады.

Телефонмен


Audioboo деп аталатын тегін бағдарламаның көмегімен 3 минуттық үнхабар жазуға болады. Audioboo – podcast жасауға арналған бағдарлама. Ол үшін Google Play Marketтен Audioboo қосымшасын жүктеп алу қажет. Содан соң жеке аккаунт ашып, өз хабарларыңызды жазып, сақтай аласыз. Дайын хабарды twitter, facebook тәрізді әлеуметтік желілер арқылы достарыңызбен бөлісу мүмкіндігі бар.

Бағдарламамен

Диктофон болмаған жағдайда, компьютерлік бағдарлама арқылы да аудио жасай аласыз. Мен білетін аудио материал дайындайтын бағдарлама екеу. Бірі Аudacity бағдарламасы, екіншісі Audaboom екеуі де тегін бағдарлама. Бұл бағдарламалардың көмегімен аудио файлды өңдеп, радио бағдарлама, үнхабар дайындауға толық мүмкіндік бар.
Audacityмен
Audacity – аудио материал дайындауға арналған бағдарлама. Audacityді сайттан тегін жүктеп алуға болады. Сілтеме: audacity.sourceforge.net/
Бағдарламада еркін жұмыс істеу үшін әрбір батырманың функциясын білу қажет. Мен сіздерді негізгі 6 батырмамен таныстырайын.

Қызыл батырма – дыбысты жазуға арналған;
Сары батырма – дыбысты тоқтатады;
Жасыл батырма – дыбысты ойнатады;
Көк түсті батырма – кідіріс жасайды (пауза).
Оңға/солға қарап тұрған батырмалар хабарды ары/бері өткізу қызметін атқарады.
Қалай әуен қосамын?

Кейде маңызды бір хабардың арасына әдемі бір әуен қосқыңыз келеді. Бұл ғылыми тілде Jingle деп аталады. Негізінде, жингыл 15 минуттан артық болмауы (керек)!
Сонымен, әуен қосу үшін алдымен оны дайындап жұмыс үстеліне орналастырып алған дұрыс. Сосын бағдарлама ішіндегі Файл – импортировать командасын басып, компьютерден қажетті файлды таңдай аласыз.
Монтаждау

Хабарды жазып болған соң тыңдау барысында артық дыбыс болуы мүмкін. Оны қалай қырқып тастауға болады? Ол үшін тышқанды қызыл бағдарша көрсетіп тұрған қызметке ауыстырып, қажетсіз бөлікті белгілеп аламыз да пернетақтадағы delete батырмасын басамыз.
Қалай сақтаймын?

Дайын болған хабарды сақтау кезінде компьютер бізден қандай форматта сақтауды сұрайды. Бізге MP3 форматы қажет. Ол үшін сол форматты интернеттен жүктеп аламыз.
Егер сіз жұмысты толығымен аяқтамай тұрып сақтағыңыз келсе, сохранить как батырмасының көмегіне жүгінесіз. Нәтижесінде, материалыңыз MP3 форматында сақталмайды. Жасалған күйінде бағдарлама ішінде сақталатын болады.

Ал, егер хабар дайын деп шешсеңіз, меню-экспортировать батырмасы арқылы компьютерге MP3 форматында сақтап қойыңыз. Файл дайын)

Қандай сайтқа саламын?
Көпшілікке белгілі youtube.com сайты видеоны жариялауға арналған сайт болса, soundcloud.com сайты арқылы аудио файл салуға арналған. Осы сайттың көмегімен, хабарды бір мезгілде бірнеше әлеуметтік желіге таратуға болады. Сайтта дыбысқа сурет қою мүмкіндігі бар.

Бұл менің сайттағы жеке профилім:) Әзірге менде тек 3 хабар бар:)

Кеңес. Ескеретін нәрселер.
Егер сіз аудио жасауға тақырып таппай отырсаңыз, дайын бір мәтінді оқуыңызға немесе өзіңіздің жеке тәжірибеңізбен, хоббиіңізбен, түрлі ойларыңызбен бөліссеңіз болады.
Дыбысты жазар алдында ойыңызды жинақтап, айтар сөзіңізді қағазға түсіріп алсаңыз, есесіне, файлды өңдеу жұмысы жеңілдейді.
Хабар дайындау барысында айналадағы тыныштық маңызды. Егер үйде жазатын болсаңыз, тоңазытқыш, теледидар сияқты техникалық құрылғыларды өшіріп қойғаныңыз дұрыс. Себебі, олардың бәрі шуыл болып естіліп, өңдеуге қиындық келтіреді.

P.S. Әзірге айтарым осы. Ал, ендеше, іске сәт! Түсінбеген нәрселер болса, хат жазып, хабарласуларыңызға болады. Менің интернеттегі мекен жайым: tendensia91@gmail.com
estetika9blogspot.com менің блогым
@estetika9 аккаунты арқылы мені твиттерден таба аласыз)
Біздің хештег: #iskerklub #простоофинансах

Инфографика жасап үйренеміз

Оқырман сұранысы
 
Бүгінде оқырман бұрынғыдай 4-5 беттік материалды оқып отыруға құлықты емес. Себебі, уақыт тапшы. Мойындайықшы, оқырманнан бұрын ақпарат беруші ретінде өзімізде қысқа және нақты ақпаратты көбірек оқимыз ғой. Оқырман сұранысын қанағаттандыру үшін не істеуге болады? Әлбетте, ақпаратты қызықты етіп беру (керек)! Мәлімет түрлі инфографикамен көмкерілсе ол қызықты. Себебі, көзбен көру арқылы ақпарат тез қабылданады.
Сурет www.indiegogo.com сайтынан алынды  

Ең оңай мультимедиялық өнім
Осы ретте, бүгін мен сіздерге ең оңай мультимедиялық өнімді ұсынбақпын. Жай ғана ұсынып қана қоймаймын, сол сервистің ұңғыл-шұңғылын үйретуге тырысамын. Сонымен, ол сервис thinglink деп аталады. Қысқаша айтқанда, thinglink — белгілі бір нәрсе жайлы ақпаратты бейнелі етіп беретін және бір жерге топтастыратын сервис. 

  Thinglinkтің қандай артықшылықтары бар? 
 
Thinglink қолданушы үшін қарапайым әрі керемет мультимедиялық мүмкіндіктерге ие. Сервис бір ғана суреттен толыққанды ақпарат ұсынады. Оқырман үшін оқуға/көруге өте ыңғайлы. Ең бастысы, информацияны қызықты етіп беруге мүмкіндік береді. Мысалы, төмендегі материалдан елімізде қанша стадион бар, олар қай жерде орналасқан, қашан ашылған, онда қандай клубтар ойнаған т.б. сияқты сұрақтарға толыққанды жауа алуға болады. Көлдей материал оқып отырғаннан гөрі, осындай мультимедиялық өнім оқырман үшін қызықты пайдалы. Солай ғой?)


 
Толығырақ мұнда: www.thinglink.com/scene/388626275775807488
Ал, мына жерде Қазақстандағы жасалғансәтсіз жобалар жайында жазылыпты.
Толығырақ: www.thinglink.com/scene/40820839084248269 Тhinglink сервисімен жұмыс істеу жолдары:)
Сіздің де осындай керемет сервисті қолданғыңыз келген болар? Ол үшін не істеу керек? Төмендегі нұсқаулықтарды мұқият оқып шығыңыз. Ендеше, кеттік! Ең бірінші, www.thinglink.com сайтына тіркеліңіз (керек)! Сервисті тек тіркелген қолданушыларға ғана пайдалана алады. Сайтқа бірден тіркелуге болады немесе фейзбук, твиттер аккаунты арқылы да ене аласыз.


 
Бұл менің сайттағы профилім:) Сіз тіркелдіңіз бе?)
Ескерте кетейін, сайт ағылшын тілінде. Сондықтан, әрбір батырманың функциясын түсініп алыңыз қажет болады. Олар қиын емес:) Жұмысты бастау үшін «Create». батырмасын басасыз.
       
Сізге қажетті суретті алдын ала көшіріп жұмыс үстеліне көшіріп қойып, жүктей аласыз. Сонымен қатар, Facebook немесе Flickr сайттарындағы фотоальбомыңыздағы кез келген суретті алуыңызға мүмкіндік бар.


 
Тіпті, қажетті суретті бірден интернеттен де алуға болады:))



             Ең бірінші постты эксперимент ретінде кез келген суреттен бастауға болады немесе мен сияқты қатысқан шараңызды көркемдеуіңізге болады. Мысалы, мен Астанада өткен «Интернеттегі құқықтық мәдениет» атты екі күндік тренингті таңдадым. Ол үшін қатысушылардың әрқайсысының фейзбук, твиттердегі аккаунттарын сілтемесі мен тренинг жайында жазған барша ақпарат көздерін орналастырдым.


        Толығырақ мына жерден көруге болады:
         www.thinglink.com/scene/497121796030464000
Материал дайын. Енді, мұны әлеуметтік желілер арқылы қалай тарата аламын? Сізге share батырмасы көмекке келеді:)
 
Мысалы, мұнда мен твиттердегі аккаунтыма бөлістім:))


             P.S. Құрметті оқырман, құттықтаймын, СІЗ thinglink сервисінде жұмыс істеуді үйрендіңіз! Іске сәт! Сұрақтарыңыз болса, жауап беруге әрқашан дайынмын ^_^ tendensia91@gmail.com почтасына сұрақтарыңызды жолдасаңыз болады:)
Сізге деген құрметпен: НАЗИРА БУРХАНОВА estetika9.blogspot.com/